Kinatagpo nitong Huwebes, Enero 31 ni Pangulong Xi Jinping ng Tsina si Emir Sheikh Tamim Bin Hamad Al-Thani ng Qatar. Sumang-ayon ang dalawang puno ng estado na ibayo pang palalimin ang estratehikong partnership ng dalawang bansa.
Nakahanda rin ang magkabilang panig na palawakin ang pagtutulungan sa apat na pangunahing larangan ng enerhiya, imprastruktura, hay-tek, at pamumuhunan, sa ilalim ng magkasamang pagpapasulong ng Belt and Road Initiative (BRI) para sa komong kasaganaan.
Tumayong-saksi rin ang dalawang lider sa paglalagda ng serye ng dokumentong pangkooperasyon ng Tsina't Qatar.
Salin: Jade
Pulido: Mac