Ayon sa datos na isinapubliko Miyerkules, Abril 17, 2019, ng Pambansang Kawanihan ng Estadistika ng Tsina, matapos ang inisyal na pagbilang, noong unang kuwarter ng kasalukuyang taon, umabot sa mahigit 21.3 trilyong Yuan RMB ang kabuuang halaga ng produksyong panloob (GDP) ng bansa. Ito ay mas malaki ng 6.4% kumpara sa gayunding panahon ng nagdaang taon.
Ayon kay Mao Shengyong, tagapagsalita ng nasabing kawanihan, sa kabuuan, nasa makatwirang lebel pa rin ang pambansang kabuhayan noong unang kuwarter. Ipinagpapatuloy aniya ang matatag na tunguhin ng pag-unlad. Dahil sa parami nang paraming positibong elemento, mayroong magandang pundasyon para sa matatag at malusog na paglaki ng kabuhayan sa buong taon, dagdag niya.
Salin: Li Feng