Ayon sa pinakahuling datos na inilabas nitong Martes, Abril 23 ng Ministri ng Industriya at Panteknolohiyang Impormasyon ng Tsina, noong unang kuwarter ng taong ito, umabot sa 6.5% ang pagtaas ng added-value na industriyal ng bansa. Mas mataas ito ng 0.8% kumpara sa ikaapat na kuwarter ng 2018, at 0.3% kumpara sa taong 2018.
Anang nasabing ministring Tsino, bunga ng mga pambansang patakarang preperensyal na gaya ng pagbabawas ng buwis at bayarin ng mga micro at maliliit na bahay-kalakal, naging matatag ang takbo ng kabuhayang industriyal ng bansa nitong unang tatlong buwan ng taong ito.
Ipinahayag din ng ministring Tsino ang kahandaan na ibayo pang magbukas sa labas sa sektor na industriyal.
Salin: Jade
Pulido: Rhio