Nagpalitan kamakailan ng liham si Pangulong Xi Jinping ng Tsina at mga guro at estudyante ng Nongping Primary School ng Laos.
Sa kanilang liham, ipinahayag ng mga guro at estudyanteng Lao ang pasasalamat kay Xi para sa kanyang pagharap ng Belt and Road Initiative, kung saan pinag-uugnayan ang mga pangarap ng mga mamamayang Lao at Tsino. Umaasa rin anila silang matatapos sa lalong madaling panahon ang konstruksyon ng China-Laos Railway na inilalatag sa kasalukuyan.
Sa liham naman bilang sagot, sinabi ni Xi, na ang nukleong target ng Belt and Road Initiative ay pagsasakatuparan ng komong pag-unald at pagpapabuti ng pamumuhay ng mga mamamayan ng iba't ibang bansa. Ani Xi, ang pagpapalakas ng kooperasyon ng Tsina at Laos sa mga larangang may kinalaman sa pamumuhay ng mga mamamayan at sa ilalim ng Belt and Road Initiative ay mahalagang bahagi ng komunidad ng pinagbabahaginang kinabukasan na itinatatag ng dalawang bansa. Umaasa rin aniya siyang palalakasin ng Tsina at Laos ang kooperasyon, para isagawa ang mas maraming proyekto ng pagpapabuti ng pamumuhay ng mga Lao.
Ang Nongping Primary School ay itinayo noong 2012 sa ilalim ng tulong ng China Foundation for Peace and Development. Ipinadala rin ng panig Tsino ang mga boluntaryong guro at ipinagkaloob ang mga tulong na materyal sa paaralang ito. Kamakailan, lumahok ang mga kinatawan ng paaralang ito sa Ika-2 Belt and Road Forum for International Cooperation, at dinala nila sa Beijing ang naturang liham kay Pangulong Xi, at isang album ng mga pinturang ginawa ng mga estudyante hinggil sa kani-kanilang kuwentong may kinalaman sa Belt and Road.
Salin: Liu Kai
