|
||||||||
|
||
Apat na litrato ang kapansin-pansin sa istante ng mga aklat ni Pangulong Xi Jinping ng Tsina. Nakatala sa mga ito ang matatamis na sandali ni Xi, kasama kanyang mga magulang, asawa, at anak.
Ang kaligayahan at pagsasama-sama ay hangarin ng libu-libong pamilya, at ito rin ang pinagsusumikapan ng puno ng estado.
Noong 2001, dahil sa mahigpit na iskedyul ng trabaho, hindi nakalahok si Xi sa ika-88 kaarawan ng kanyang tatay na si Xi Zhongxu. Sinulatan niya ang tatay ng isang liham na pambati, kung saan mababasa ang kanyang pagsisisi at pasasalamat sa tatay.
Si Xi habang namamasyal, kasama ang kanyang nanay
Si Xi, kasama ang kanyang tatay (naka-wheel chair), asawa (sa dulong kaliwa), at anak
Ani Xi, mga mahigit sampung taon habang nakabase siya sa lalawigang Zhejiang at nanunungkulan bilang Party Secretary General ng lalawigan, araw-araw tumatawag siya sa kanyang asawa na si Peng Liyuan.
Si
Xi at kanyang asawang si Peng Liyuan sa Islang Dongshan, lalawigang Fujian sa dakong timog ng Tsina
Si Xi habang nagbibisikleta habang angkas ang kanyang anak
Pamilya at kultura ng pamilya
Sa iba't ibang okasyon, ipinahayag ni Xi ang pagpapahalaga sa pamilya at kalinangan ng pamilya, dahil sa tingin niya, ang mga pamilya ay pundasyon ng pambansang kaunlaran at harmonyang panlipunan.
Noong Disyembre 12, 2016, sa kanyang pakikipagtagpo sa mga kinatawan ng huwarang pamilya ng bansa, sinabi ni Xi na ang pag-aalaga sa matatanda, pag-aaruga sa mga bata, paggagalangan ng mga mag-asawa, pagmamahal ng mga magulang sa anak kasabay ng pagbibigay-galang ng anak sa mga magulang, pagmamahalan ng mga kapatid, pagpapahalaga at pagsasalin ng pagsasaka at karunungan, pagtitipid, pagsunod sa mga alituntunin, at iba pa ay tradisyonal na kapuri-puring katangian ng nasyong Tsino at naitanim sa isip at diwa ng mga Tsino.
Salin: Jade
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |