Hinggil sa CRIHinggil sa Serbisyo Filipino
   

Huawei, isinakdal ang Kagawaran ng Komersyo ng Amerika

(GMT+08:00) 2019-06-23 17:18:29       CRI
Iniharap kamakailan ng Huawei Technologies Co. Ltd. sa hukumang Amerikano ang sakdal laban sa Kagawaran ng Komersyo ng Amerika, kaugnay ng mga ilegal na aksyon ng kagawarang ito ng pagsamsam ng mga kagamitan ng Huawei at pag-aantala sa paggawa ng desisyon hinggil sa mga kagamitang ito.

Ayon sa dokumento ng hukuman, noong 2017, inihatid ng Huawei ang ilang kagamitang pang-telekomunikasyon na yari sa Tsina sa isang nagsasariling laboratoryo sa California, Amerika, para sa pagsusuri ng sertipikasyon. Pagkaraan ng pagsusuri, noong Setyembre ng 2017, habang inihahatid ang naturang mga kagamitan pabalik sa Tsina, sinamsaman ng Kagawaran ng Komersyo ng Amerika ang mga ito sa Anchorage, Alaska, sa pangangatwiran ng pagsusuri sa mga ito para siguruhin kung kailangan o hindi ang lisensya para sa pagluluwas.

Pagkaraan nito, iniharap ng Huawei sa Kagawaran ng Komersyo ang mga kinakailangang impormasyon. Pero hanggang sa kasalukuyan, nasasamsaman pa rin nang halos 2 taon ang naturang mga kagamitan, at hindi pa ginagawa ng Kagawaran ng Komersyo ang desisyon kung kailangan o hindi ang lisensya para sa pagluluwas. Samantala, sa karaniwan, ang ganitong desisyon ay dapat gawin sa loob ng 45 araw.

Ipinalalagay ng Huawei, na ang naturang mga kagamitan ay niyari sa labas ng Amerika at inihatid ang mga ito pabalik sa orihinal na bansa ng pagyari, kaya hindi kailangan ang lisensya para sa pagluluwas. Anito, ilegal ang kapwa pagsamsam ng Kagawaran ng Komersyo ng mga kagamitang ito at pag-aantala sa paggawa ng may kinalamang desisyon. Hinihiling ng Huawei sa Kagawaran ng Komersyo na gawin ang desisyon sa lalong madaling panahon, at kung ang desisyon ay hindi labag sa regulasyon ang paghahatid ng naturang mga kagamitan, dapat agarang palayain ng Kagawaran ng Komersyo ang mga ito.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>