Kaugnay ng pagsuspendi ng Tsina sa pag-aangkat ng karne ng baboy mula sa Kanada, ipinahayag nitong Miyerkules, Hunyo 26, 2019, ni Tagapagsalita Geng Shuang ng Ministring Panlabas ng Tsina, na alinsunod sa batas at regulasyon, isinagawa ng kaukulang departamento ng Tsina ang gawain nito. Umaasa aniya ang panig Tsino na pahalagahan ng Kanada ang pangyayaring ito, isagawa ang imbestigasyon at mabisang ipatupad ang mga hakbangin sa lalong madaling panahon para maigarantiya ang seguridad ng mga pagkaing iniluluwas sa Tsina.
Ani Geng, habang sinuri kamakailan ng adwana ng Tsina ang mga pork products mula sa Kanada, natuklasan ang mga labi ng Ractopamine sa mga produktong ito. Kaya, agarang sinuspendi ng panig Tsino ang pag-aangkat ng karbe ng baboy mula sa kaukulang kompanyang Kanadyano, at hiniling sa panig Kanadyano na isagawa ang imbestigasyon sa insidenteng ito.
Salin: Li Feng