Sa Ika-43 Sesyon ng World Heritage Committee na ginaganap sa Baku, Azerbaijan, inaprubahan kahapon, Hulyo 6, ang guho ng Liangzhu sinaunang lunsod sa Zhejiang Province, silangang Tsina, na maitala sa United Nations Educational, Scientific and Cultural Organization (UNESCO) World Heritage List.
Naniniwala ang naturang komite na ang guho ng lunsod ng Liangzhu ay nagpapatunay sa ambag ng lugar sa maagang yugto ng sibilisasyong urban, at pagpaplano ng lunsod, at katunayan din ng taas ng sibilisasyon na naabot ng Tsina at Silangang Asya limang libong taon na ang nakararaan.
Sa kasalukuyan, ang kabuuang bilang ng mga World Heritage sa Tsina ay umabot na sa 55, na nasa unang puwesto sa mundo. Sinabi ni Liu Yuzhu, Direktor ng Kawanihan ng Relikyang Pangkultura ng Tsina, na higit na poprotektahan ng Tsina ang mga pamanang pandaigdig, at magsasabalikat ng mas maraming responsibilidad sa pandaigdig na usapin ng pangangalaga sa mga World Heritage sa pamamagitan ng internasyonal na kooperasyon.
Salin: George Guo