Linggo ng madaling araw, Hulyo 28, 2019, matagumpay na pinag-isa ang mga bahagi ng Luang Prabang Railway Bridge ng China-Laos Railway, at natapos ang konstruksyon nito, 7 buwan na mas maaga kumpara sa nakatakdang iskedyul.
Ito ay masusing bunga ng konstruksyon ng proyekto ng China-Laos Railway, at nakapaglatag ng matibay na pundasyon para sa pagsasaoperasyon ng naturang daambakal sa Disyembre ng 2021.
Ang kabuuang haba ng Luang Prabang Railway Bridge ay 1458.9 metro, na dumadaan sa Mekong River. Pinakamahirap at pinakamasalimuot ang konstruksyon nito sa buong proyekto.
Sa kasalukuyan, maalwang sumusulong ang konstruksyon ng Ban Ladhan Railway Bridge, isa pa sa dalawang cross-Mekong bridge sa kahabaan ng China-Laos Railway. Nakatakda itong matapos sa loob ng kasalukuyang taon.
Salin: Vera