Sabado, Agosto 24, 2019, ipinatalastas ng panig Amerikano na patataasin ang karagdagang taripa sa mga iniluluwas na panindang Tsino sa Amerika na nagkakahalaga ng halos 550 bilyong dolyares. Kaugnay nito, nagpalabas ng pahayag ang tagapagsalita ng Ministri ng Komersyo ng Tsina bilang buong tatag na pagtutol dito.
Anang pahayag, ang ganitong unilateral at hegemonistikong proteksyonismo at aksyon ng extreme pressure ay lumabag sa mga komong palagay ng mga lider ng dalawang bansa, sumalungat sa simulain ng paggagalangan, pagkakapantay-pantay, at mutuwal na kapakinabangan, at grabeng nakasira sa sistema ng multilateral na kalakalan at normal na kaayusan ng kalakalang pandaigdig. Tiyak na may kabayaran ang Amerika sa sarili nitong aksyon.
Matinding hinimok ng panig Tsino ang panig Amerikano na huwag maling tasahin ang kalagayan, huwag maliitin ang determinasyon ng mga mamamayang Tsino, at agarang itigil ang maling aksyon. Kung hindi, babayaran ng Amerika ang lahat ng mga resultang dulot nito.
Salin: Vera