Sa Ika-42 Pulong ng United Nations Human Rights Council (UNHRC) na idinaos nitong Martes at Miyerkules, ika-10 hanggang ika-11 ng Setyembre 2019, sa Geneva, Switzerland, ipinahayag ng ilang bansa ang pagkatig sa Tsina sa mga isyung may kinalaman sa Xinjiang at Hong Kong.
Sinabi ng mga kinatawan ng Hilagang Korea at Yemen, na natamo ng Tsina ang mga bunga sa paglaban sa terorismo at pagpawi ng ekstrimismo sa Xinjiang, at ito ay kinikilala ng mga personaheng dayuhang bumisita mismo sa Xinjiang.
Ipinahayag naman ng mga kinatawan ng Laos, Myanmar, Belarus, at Venezuela, na ang kasalukuyang mga nangyayari sa Hong Kong ay hindi mapayapang demonstrasyon, at bagkus, grabe itong nakakapinsala sa kapayapaan, katatagan, at kabuhayan ng Hong Kong. Sinabi rin nila, na ang isyu ng Hong Kong ay suliraning panloob ng Tsina, at hindi dapat makialam dito ang anumang dayuhang puwersa.
Salin: Liu Kai