Bilang pagpapakita ng magandang hangarin bago ang bagong round ng talastasang pangkalakalan ng Tsina't Amerika, ini-tweet ni Pangulong Donald Trump na ipagpapaliban niya ang pagpapataw ng karagdagang taripa sa 250 bilyong dolyares na panindang Tsino, mula Oktubre 1 sa Oktubre 15. Ginawa ni Trump ang nasabing desisyon wala pang isang araw makaraang ilabas ng Tsina ang listahan ng mga mga produkto mula sa Amerika na ililibre sa unang round ng karagdagang taripa. Ito ay para mapaliit ang epekto ng alitang pangkalakalan sa mga bahay-kalakal na Tsino na pangunahing naka-depende sa pag-aangkat.
Nakatakdang idaos ang ika-13 round ng talastasang pangkalakalan ng Tsina't Amerika sa unang dako ng Oktubre. Ang naturang magkasunod na kapasihayan ng dalawang panig ay nagpakita ng kanilang sinseridad at aksyon para makalikha ng mainam na kondisyon para sa gaganaping talastasan. Masasabi itong angkop sa inaasahan ng komunidad ng daigdig.
Ipinakikita ng mahigit isang taong alitang pangkalakalan ng dalawang bansa na walang mananalo rito, at hindi kalutasan ang pagdaragdag ng taripa. Sa halip, ang pananangan sa pagkakapantay at paggagalangan sa talastasan at kooperasyon ay ang siyang tanging kalutasan sa pagkakaiba.
Salin: Jade
Pulido: Rhio