Ipininid Biyernes, Oktubre 11, 2019 sa Washington ang bagong round ng konsultasyong pangkabuhaya't pangkalakalan ng Tsina at Amerika sa mataas na antas. Sa panahon ng 2-araw na konsultasyon, sa ilalim ng patnubay ng mga komong palagay ng mga lider ng dalawang bansa, isinagawa ng kapuwa panig ang matapat, mabisa at konstruktibong pagtalakay hinggil sa mga isyung pangkabuhaya't pangkalakalan na kapuwa nila pinahahalagahan, at natamo ang substansiyal na progreso sa mga larangang gaya ng agrikultura, pangangalaga sa karapatan sa pagmamay-ari sa likhang isip (IPR), exchange rate, serbisyong pinansyal, pagpapalawak ng kooperasyong pangkalakalan, paglilipat ng teknolohiya, pagresolba sa alitan at iba pa. Tinalakay rin ng kapuwa panig ang iskedyul ng konsultasyon sa susunod na hakbang, at sinang-ayunang magkasamang magsikap tungo sa pagdating ng pinal na kasunduan.
Ang resulta ng konsultasyong ito ay nagpapakitang batay sa makatarungan at pragmatikong pakikitungo, umusad ang panig Tsino't Amerikano tungo sa paglutas sa mga problema. Ang pag-iwas sa ibayo pang paglala at pagpapalaganap ng alitang pangkalakalan ay hindi lamang mithiin ng mga mamamayan ng dalawang bansa, kundi umangkop din sa inaasahan ng malaking bahagi ng komunidad ng daigdig.
Chinese Vice Premier Liu He and U.S. Trade Representative Robert Lighthizer wave to journalists in Washington, DC, October 11, 2019. [Photo: Bloomberg via VCG]
Bilang dalawang pinakamalaking ekonomiya sa daigdig, masalimuot ang isyung pangkabuhaya't pangkalakalan sa pagitan ng Tsina at Amerika. Pagkaraan ng mahigit isang taong pabagu-bagong situwasyon, dapat malaman ng kapuwa panig na ang paggigiit sa paghahanap ng magkatulad na punto samantalang isinasa-isang-tabi ang pagkakaiba, at unti-unting pagresolba ng mga alitan hanggang dumating sa pinal na kasunduan ay mas aktuwal na solusyon.
Lubos na pinatutunayan ng katotohanan noong nagdaang isang taon na hindi nalulutas ng pagpapataw ng karagdagang taripa ang anumang problema, sa halip, magbubunsod lamang ito ng palalim nang palalim na kapinsalaan sa panig Tsino't Amerikano, maging ng komunidad ng daigdig.
Ang kooperasyon ng Tsina at Amerika ay magbubunga ng mutuwal na benepisyo, at ang alitan ay makakapinsala sa kapuwa panig. Nakahanda ang panig Tsino na resolbahin ang mga problema, sa pamamagitan ng mahinahong atityud, pagsasanggunian at kooperasyon, pero hinding hindi ito yuyukod sa mga mahalagang isyung may kinalaman sa prinsipyo. Kahit anumang pagbabago ang magaganap, walang humpay na palalalimin ng Tsina ang reporma, at palalawakin ang pagbubukas, para maisakatuparan ang de-kalidad na pag-unlad ng kabuhayan.
Salin: Vera
