Hiniling nitong Huwebes, Oktubre 24 ni Hua Chunying, Tagapagsalita ng Ministring Panlabas ng Tsina sa mga policymaker ng Amerika na pakinggan ang makatwirang tinig mula sa think tank at alagad ng agham ng Amerika kaugnay ng pagpapahigpit ng pagpapapalitan at pagtutulungang pansiyensiya ng dalawnag bansa.
Inilabas kamakailan ng Center for Strategic and International Studies (CSIS) ang ulat na pinamagatang "Research Collaboration in an Era of Strategic Competition." Ayon sa ulat, ang restriksyon ng Amerika sa kolaborasyong siyentipiko sa pagitan ng Tsina at Amerika, sa pangangatwiran ng pambansang seguridad ay mababakas sa katulad na pagkabahala sa Cold War. Hiniling din ng ulat sa pamahalaang Amerika na itatag ang pakikipagtulungan sa mga pribadong sektor at akademiya para i-balanse ang pagbubukas sa pananaliksik na pansiyensiya't pambansang seguridad.
Nauna rito, inilabas ng animnapung (60) institusyong pansiyensiya ng Amerika ang bukas na liham at nanawagan sa pamahalaang Amerikano na itigil ang panggigipit sa mga mananaliksik na dayuhan at paghadlang sa pandaigdig na kooperasyong pansiyensiya.
Salin: Jade
Pulido: Rhio