Hinggil sa CRIHinggil sa Serbisyo Filipino
   

Tsina at Pilipinas, positibo sa mainam na tunguhin ng bilateral na relasyon at kalagayan ng South China Sea

(GMT+08:00) 2019-10-29 15:24:36       CRI
Idinaos kahapon, Lunes, ika-27 ng Oktubre 2019, sa Beijing, ang ika-5 pulong ng Bilateral Consultation Mechanism (BCM) ng Tsina at Pilipinas hinggil sa isyu ng South China Sea. Lumahok dito ang mga opisyal ng dalawang bansang namamahala sa mga suliraning panlabas at pandagat.

Positibo ang kapwa panig sa mainam na tunguhin ng pag-unlad ng relasyong Sino-Pilipino, at binigyang-diin nilang dapat malalim na ipatupad ang mga narating na komong palagay nina Pangulong Xi Jinping at Pangulong Rodrigo Duterte. Pinahahalagahan din nila ang papel ng BCM sa pagpapasulong ng kooperasyong pandagat, maayos na pagkontrol at paghawak ng mga pagkakaiba, at pagpapalakas ng pag-uugnayan at pagtitiwalaan.

Kinumpirma ng kapwa panig, na bumubuti ang kalagayan sa South China Sea, at positibo ang natamong progreso ng Tsina at Pilipinas sa kooperasyong pandagat sa iba't ibang aspekto. Tinalakay nila ang hinggil sa pagpapalakas ng mga konkretong proyektong pangkooperasyon sa paghahanap at pagliligtas sa dagat, kaligtasang pandagat, siyentipikong pananaliksik sa dagat, pangangalaga sa kapaligirang pandagat, pangingisda, at iba pa.

Inulit din ng dalawang panig ang kahalagahan sa komprehensibong pagpapatupad ng Declaration on Conduct of the Parties in the South China Sea. Positibo sila sa mga progreso sa pagsasanggunian hinggil sa Code of Conduct in the South China Sea, at ipinangako ng dalawang panig ang pagsisikap para marating sa lalong madaling panahon ang Code of Conduct na mabisa at may mga substansyal na nilalaman.

Sinang-ayunan ng dalawang panig na idaraos sa unang hati ng susunod na taon sa Pilipinas ang ika-6 na pulong ng BCM.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>