Sa preskon pagkaraan ng Ika-2 China International Import Expo (CIIE), na ipininid kahapon, Linggo, ika-10 ng Nobyembre 2019, sa Shanghai, lunsod sa silangang Tsina, isiniwalat ni Sun Chenghai, Pangalawang Puno ng China International Import Expo Bureau, na hanggang sa kasalukuyan, nagpatala na para magtanghal sa Ika-3 CIIE ang mahigit 230 kompanya mula sa iba't ibang lugar ng daigdig, at lumampas sa 84 na libong metro kuwadrado ang kabuuang saklaw ng exhibition area na inireserba nila.
Ayon pa rin kay Sun, mula ika-13 hanggang ika-20 ng buwang ito, bukas sa mga karaniwang bisita ang mga country exhibition hall ng kasalukuyang ekspo, at gumawa na ng reserbasyon para sa pagbisita ang mahigit 400 libong tao.
Salin: Liu Kai