Binuksan Huwebes, Nobyembre 21, 2019 sa Beijing ang 2019 New Economy Forum. Dumalo at nagtalumpati sa porum si Wang Qishan, Pangalawang Pangulo ng Tsina.
Diin ni Wang, igigiit ng Tsina, tulad ng dati, ang pagtahak sa landas ng mapayapang pag-unlad, at nakahandang magpunyagi, kasama ng mga mamamayan sa buong mundo, para itatag ang community with a shared future for mankind, magkakapit-bisig na harapin ang mga hamong pandaigdig, at magkasamang isabalikat ang responsibilidad ng pagpapasulong sa mapayapang kaunlaran, kasaganaan at kagandahan ng daigdig. Tinukoy niyang dapat igiit ang innovation-driven development, para bahaginan ng bunga ng globalisasyong pangkabuhayan ang mga mamamayan ng iba't ibang bansa.
Mahigit 600 opisyal ng mga pamahalaan, dating mataas na opisyal, at namumukod na personahe ng sirkulo ng bahay-kalakal mula sa mahigit 60 bansa't rehiyon ang kalahok dito. Tatalakayin nila ang mga paksa sa larangang gaya ng global economic governance, kalakalan, siyensiya't teknolohiya, capital market at iba pa.
Salin: Vera