Pinagtibay kamakailan ng Kongreso ng Amerika ang Hong Kong Human Rights and Democracy Act. Ito ay pakikialam sa suliraning panloob ng Tsina, at ipinakikita rin nito ang tangka ng panig Amerikano, na hadlangan ang pag-unlad ng Tsina, sa pamamagitan ng paglikha ng kaguluhan sa Hong Kong.
Pero, sa susunod na tatlong dahilan, hinding hindi magtatagumpay ang naturang tangka ng panig Amerikano. Una, ang kasalukuyang kalagayan sa Hong Kong ay nagresulta sa pakikialam ng ibang bansa. Salungat ito sa mithiin ng mga taga-Hong Kong, at palalakasin nito ang kanilang kahilingan sa pagbibigay-wakas sa karahasan at kaguluhan at pagpapanumbalik ng kaayusan. Ikalawa, ang kaguluhan sa Hong Kong ay grabeng makakapinsala sa negosyo at interes ng mga pandaigdig na kompanya mula sa iba't ibang bansang kinabibilangan ng Amerika. Kaya, ang tangka ng panig Amerikano na gumawa ng kaluguhan sa Hong Kong ay hindi magkakaroon ng pagkatig mula sa anumang panig. At ikatlo, ang pagpapatibay ng panig Amerikano ng akto tungkol sa Hong Kong ay aksyon ng "long-arm jurisdiction," at pakikialam sa suliraning panloob ng ibang bansa. Labag ito sa pandaigdig na batas at mga saligang norma ng relasyong pandaigdig. Tututulan ito ng komunidad ng daigdig.
Ang suliranin ng Hong Kong ay suliraning panloob ng Tsina. Hindi dapat makialam dito ang anumang puwersang dayuhan. Hindi rin dapat samantalahin ng anumang puwersa ang isyung ito, para tupdin ang sariling mga kapakanan.
Salin: Liu Kai
