Dumalo ngayong umaga, Biyernes, ika-20 ng Disyembre 2019, sa Macao, si Pangulong Xi Jinping ng Tsina, sa pulong bilang pagdiriwang sa ika-20 anibersaryo ng pagbalik ng Macao sa inangbayan at inagurasyon ng ika-5 pamahalaan ng Espesyal na Rehiyong Administratibo ng Macao (MacaoSAR).
Sa saksi ni Pangulong Xi, nanumpa sa tungkulin si Ho Iat Seng, bagong Punong Ehekutibo ng MacaoSAR, at mga pangunahing opisyal ng ika-5 pamahalaan ng MacaoSAR.
Sa kanya namang talumpati sa aktibidad, sinabi ni Xi, na ang tagumpay na natamo ng Macao sapul nang bumalik ito sa inangbayan ay nagpapakitang, kung matatag ang paniwala sa sistema ng "Isang Bansa Dalawang Sistema," tiyak na lalabas ang bitalidad at kahigtan ng sistemang ito.
Hinahangaan din niya ang mga kababayang taga-Macao, na pinapahalagahan ang panlahat na kapakanan ng buong bansa at saligang kapakanan ng Macao, at ginagawang komong tungkulin ang pagsasagawa ng "Isang Bansa, Dalawang Sistema," pamamahala sa Macao ng mga taga-Macao, at awtonomiya sa mataas na antas.
Dagdag ni Xi, sapul nang maibalik ang Hong Kong at Macao sa inangbayan, ang paghawak sa mga suliranin ng mga ito ay ganap na suliraning panloob ng Tsina, at hinding hindi pahihintulutan ang panghihimasok ng kahit anong puwersang panlabas sa mga ito.
Salin: Liu Kai