Sinabi nitong Lunes, Disyembre 23, 2019 ni Tagapagsalita Geng Shuang ng Ministring Panlabas ng Tsina na ang akusasyon ng Britanikong media sa umano'y sapilitang pagpapatrabaho ng Qingpu Prison sa Shanghai, Tsina, sa mga dayuhang bihag upang gumawa ng Christmas card ay isang nilutong komedya.
Saad ni Geng, napag-alaman niya mula sa kaukulang departamento na hindi pinipilit na magtrabaho ang mga dayuhang bihag sa Qingpu Prison ng Shanghai.
Tinukoy ni Geng na ito ay isang komedyang niluto ni Peter Humphrey, at madalas niyang niluluto ang mga headline upang di siya malimutan ng mga tao.
Ayon sa ulat ng pahayagang Global Times, noong 2013, inupahan ng GlaxoSmithKline (GSK), isang kompanya ng Britanya, si Peter Humphrey. Sa panahon ng kanyang biyahe sa Tsina para imbestigahan ang akusasyon ng pagsuhol ng nasabing kompanya, inaresto ng panig pulisya ng Tsina si Humphrey, dahil sa ilegal na paraan ng pagkuha ng mga impormasyon hinggil sa tagapagsumbong. Tumanggap siya ng 2 taong parusa sa Qingpu Prison. Noong 2015, pinalayas si Humphrey sa teritoryo ng Tsina.
Salin: Vera