Binuksan kahapon, Sabado, ika-8 ng Pebrero 2020, ang isa pang bagong naitayong novel coronavirus (2019-nCoV) hospital sa Wuhan, lunsod sa gitna ng Tsina na malubhang apektado ng epidemiyang ito. Tinanggap nito kagabi ang unang batch ng mga may-sakit.
Ang naturang hospital na tinatawag na Leishenshan Hospital ay may saklaw ng 80 libong metro kwadrado. Magkakaloob ito ng 1,600 kama, at maaaring magtrabaho dito ang 2,000 tauhang medikal. Natapos ang konstruksyon ng hospital na ito sa loob lamang ng 10 araw.
Ang Leishenshan Hospital, kasama ng Huoshenshan Hospital na binuksan nitong Pebrero 4, ay para sa mga may-sakit ng novel coronavirus pneumonia na nasa kritikal na kondisyon. Samantala, ginagawa rin sa mga sentro ng pagpupulong, sentro ng pagtatanghal, at himnasyo sa Wuhan ang mahigit 10 mobile cabin hospital, para tanggapin ang mga may-sakit na katamtaman ang mga sintomas.
Salin: Liu Kai