Idaraos sa Beijing sa Pebrero 24, 2020 ang Ika-16 na Sesyon ng Ika-13 Pirmihang Lupon ng Pambansang Kongresong Bayan (NPC) ng Tsina.
Ang impormasyong ito ay ipinasiya Lunes ng umaga, Pebrero 17, 2020, sa ika-47 pulong ng tagapangulo ng Ika-13 Pirmihang Lupon ng NPC na pinanguluhan ng tagapangulo nito na si Li Zhanshu.
Ayon sa mungkahi ng pulong ng tagapangulo, susuriin sa gaganaping sesyon ang panukalang desisyon hinggil sa pagbabawal sa ilegal na kalakalan ng mailap na hayop, at pagwawaksi sa masamang ugali ng pagkain ng mailap na hayop, upang maigarantiya ang kaligtasan ng buhay at kalusugan ng mga mamamayan.
Susuriin din ang panukalang mosyon ukol sa pagpapaliban ng Ika-3 Taunang Sesyon ng Ika-13 NPC.
Salin: Vera