Beijing, Tsina—Nangulo nitong Lunes ng hapon, Marso 2, 2020 si Pangulong Xi Jinping ng Tsina sa isang talakayan ng School of Medicine ng Tsinghua University. Tinukoy niyang ang seguridad ng kalusugang pampubliko ay komong hamong kinakaharap ng sangkatauhan, at kailangang magkakapit-bisig na harapin ito ng iba't ibang bansa.
Aniya, sa kasalukuyan, kumakalat sa maraming bansa ang epidemiya ng Corona Virus Disease 2019 (COVID-19). Dapat palakasin ng Tsina ang pakikipag-ugnayan at pakikipagpalitan sa World Health Organization (WHO), at pahigpitin ang kooperasyon sa kaukulang bansa, lalong lalo na, mga bansang may madalas na tinatamaan ng epidemiya, sa mga aspektong gaya ng paghahanap ng pinanggagalingan ng virus, gamot, bakuna at pagsusuri. Dapat aniyang ibahagi ang mga datos at impormasyon ng siyentipikong pananaliksik, magkasamang iharap ang mga katugong estratehiya at hakbangin, at patingkarin ang katalinuhan at lakas para sa pagpapasulong sa pagtatatag ng komunidad na may pinagbabahaginang kinabukasan ng sangkatauhan.
Salin: Vera