Nag-usap sa telepono Marso 23 sina Pangulong Xi Jinping ng Tsina at Boris Johnson, Punong Ministro ng Britanya.
Ipinahayag ni Xi, sa ngalan ng pamahalaang Tsino at mga mamamayan ng Tsina, ang matapat na pakikiramay sa Britanya sa paglaban sa Coronavirus Disease 2019 (COVID-19). Umaasa si Xi na makikipagtulungan ang Britanya sa Tsina para bumaba hangga't maaari ang panganib ng epidemiya. Nakahanda ang Tsina na ipagkaloob ang suporta at tulong sa Britanya.
Umaasa din si Xi na isasagawa ng Britanya ang aktuwal na hakbangin para mapangalagaan ang kaligtasan, kalusugan at legal na karapatan ng mga mamamayang Tsino sa Britanya.
Binati ni Johnson ang bunga na natamo ng Tsina sa paglaban sa COVID-19. Pinasalamatan ng Britanya ang suporta at tulong ng Tsina, at magsisikap ito hangga't maaari para mapangalagaan ang kaligtasan ng mga mamamayang Tsino sa Britanya.
Salin:Sarah