Hinggil sa CRIHinggil sa Serbisyo Filipino
   

[FB Live] Opisyal na Facebook Livecast hinggil sa COVID-19, Abril 1, 2020

(GMT+08:00) 2020-04-01 15:43:03       CRI

https://www.facebook.com/CRIFILIPINOSERVICE/videos/520712685498381/

PAKSA: SARS-Cov-2, hindi nagmula sa Wuhan Seafood Market; hindi rin gawa sa laboratoryo

* Ang tunay na pinagmulan ng SARS-Cov-2, virus na nagsasanhi ng Corona Virus Disease 2019 (COVID 19) ay malawakan ngayong pinag-u-usapan sa social media, at marami rin ang nagsilitawang conspiracy theory kaugnay nito.

* Pero, ang mga conspiracy theory at mga tsismis sa social media ay hindi nakakatulong sa pagpapahupa ng agam-agam ng maraming tao sa mundo, bagkus, ang mga ito ay nagsasanhi ng mas maraming takot at pagkabalisa. Ang nararapat gawin ay magkaroon ng mas malawak at bukas na pag-i-isip at huwag maniniwala sa mga video, balita at kung-anu-ano pang tsismis na hindi nagmumula sa mga lehitimong ahensiya ng gobyerno, at opisyal na organo ng pagbabalita ng pamahalaan.

* Ayon sa bagong siyentipikong pag-aaral, ang SARS-CoV-2, ay may natural na pinagmulan; sa madaling salita, nanggaling mismo sa kalikasan at hindi gawa ng tao.

* Ayon kay Dr. Robert Garry, Propesor ng Tulane University School of Medicine at co-author na nasabing siyentipikong pag-aaral,"may mga kasong may kaugnayan sa Wuhan Seafood Market, pero may iba pang, walang koneksyon dito, partikular ang mga mas naunang kaso."

* Ang Tulane University School of Medicine ay matatagpuan sa New Orleans, Louisiana, Amerika.

* Ayon pa kay Garry, "ang virus ay naidala sa Wuhan Seafood Market, at hindi rito nagmula."

Ipinagdiinan pa ni Garry na sa ngayon, hindi pa batid ang tunay na pinagmulan ng novel corona virus.

"The spark landed in Wuhan, but we don't know where the spark came from. It could have come from just about anywhere in nature on planet Earth," dagdag niya.

* Samanatala, sa panayam sa American Broadcasting Corporation (ABC) News, binigyang-diin din ni Garry na isang miskonsepsyon ang paniniwalang ang virus ay nagmula sa Wuhan Seafood Market ng Tsina.

* Ayon pa kay Dr. Garry, ang kasalukuyang pandemic ay posibleng sanhi ng mutation sa pang-ibabaw na protina ng virus.

* "It's also possible that a less severe version of the illness was circulating through the population for years, perhaps even decades, before escalating to this point," sabi niya.

Maliban dito, pinabulaanan din ng doktor ang conspiracy theory na gawa di-umano sa laboratoryo ang virus.

* "No scientist, in China, America or elsewhere, possibly could have constructed this virus in a laboratory," mariin niyang ipinahayag.

* Ang mga coronaviruses ay nagtataglay ng mala-koronang tulis sa panlabas na bahagi, at sa pag-aaral na isinapubliko sa Nature Medicine, isang grupo ng mga siyentista mula sa Amerika, Britanya, at Australya ang nag-analisa ng 2 espisipikong katangian ng mga patulis na protina ng virus na responsable sa pagkapit at pagpasok sa cell ng tao.

* Ayon sa naturang pag-aaral, ang patulis na protina ng SARS-CoV-2 ay naka-optimisa upang kumapit sa molekyul na nasa labas ng cell ng tao, at ito ay sobrang episyente kaya, nagkakaisang pinagkasunduan ng mga siyentista na ang katangiang ito ay resulta ng proseso ng natural selection at hindi gawa ng sinumang tao.

* Ayon pa sa mga siyentisa, kung ang virus ay gawa ng tao, kailangang gawin ito mula sa molecular na istruktura ng virus na kilalang nagbibigay sakit sa mga tao, pero, ang nakita ng mga siyentista sa SARS-CoV-2 ay hindi mula sa kahit anumang struktura ng kilalang virus.

* Ang pinaka-kahawig ng SARS-Cov-2 ay virus mula sa mga paniki at pangolin.

* Ayon kay Kristian Andersen, Associate Professor ng Immunology and Microbiology sa Scripps Research at may-akda ng nasabing pag-aaral, ang dalawang katangiang ito: episyenteng mutation sa patulis na protina ng virus at kakaibang molekyular na estruktura ay nagtatanggal sa posibilidad na ang SARS-CoV-2 ay gawa sa laboratoryo.

* Kung hindi gawa sa laboratoryo ang SARS-Cov-2, saan ito nanggaling?

* May 2 posibleng kasagutan ayon sa mga siyentipiko:

- una, natural na seleksyon o mutation sa animal host bago nagkaroon ng paglilipat sa tao

- ikalawa, natural na selseksyon o mutasyon sa tao, makaraang matanggap ang virus mula sa hayop

* Ayon kay Dr. Francis Collins, Direktor ng National Institutes of Health ng Amerika, sa unang senaryo, nagkaroon ng ebolusyon ang coronavirus sa natural nitong host (posibleng paniki o pangolin), at nag-mutate ang patulis na protina nito para episyenteng kumapit sa mga molekyul na may kaparehong estruktura ng sa tao, kaya, ang mga ito ay naging sobrang episyente sa pagpasok sa cell ng tao.

* Kapuwa ang SARS at MERS ay lumaganap sa paraang ito.

* Sa ikalawang senaryo, nailipat sa tao ang virus mula sa hayop, bago pa man ito nakakapagsanhi ng sakit. Dahil sa natural na ebolusyon, nag-mutate ang virus, hanggang sa ito ay nagkaroon ng kakayahang magdulot ng sakit sa tao.

SOURCE:

http://filipino.cri.cn/301/2020/03/30/104s167021.htm
https://news.cgtn.com/news/2020-03-29/American-scientists-refute-Wuhan-as-the-novel-coronavirus-origin-Pg5O51zIkw/index.html

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>