Binatikos kamakailan ng panig Amerikano ang World Health Organization (WHO) sa hindi nito pagmungkahi ng travel ban nang magsimula ang Corona Virus Disease 2019 (COVID-19) pandemic. Kaugnay nito, sinabi nitong Huwebes, Abril 16, 2020 ni Tagapagsalita Zhao Lijian ng Ministring Panlabas ng Tsina, na sapul nang sumiklab ang epidemiya, batay sa pandaigdigang regulasyon ng kalusugan at siyentipikong simulain, iniharap ng WHO ang mga kaukulang mungkahi na kinabibilangan ng di-kailangang pagpapatupad ng iba't ibang bansa ng travel ban o mga hakbangin sa paghadlang sa kalakalan. Ani Zhao, ang nasabing mungkahi ay ginawa ng kaukulang komisyon, ayon sa takdang proseso, at kasali sa pagtalakay ang dalubhasang Amerikano.
Tinukoy ni Zhao, sa nakaraang 5 beses na biglaang pangyayari ng kalusugang pampubliko na pinag-ukulan ng pansin ng komunidad ng daigdig, hindi iminungkahi ng WHO ang travel ban o limitasyon sa kalakalan. Kabilang dito ang 2009 (H1N1) pandemic na unang natuklasan sa Amerika.
Diin niya, sa simula ng COVID-19 pandemic, paulit-ulit na nanawagan ang WHO sa iba't ibang bansa na bigyan ng lubos na pagpapahalaga ang epidemiya, at aktibong gawin ang paghahanda.
Salin: Vera