Inilabas kamakailan ng Centers for Disease Control and Prevention (CDC) ng Estados Unidos ang ulat na pinamagatang Public Health Response to the Initiation and Spread of Pandemic COVID-19 in the United States, February 24–April 21, 2020.
Binalik-tanaw rito ang pagkalat ng pandemiya sa Amerika, at inisa-isa ang apat na dahilan kung bakit mabilis na kumalat ang virus sa Amerika.
Kahit hindi diretso, isinisi ng ulat sa pamahalaang Amerikano, ang lahat ng naturang apat na elementong may kinalaman sa desisyon at patakaran ng mga pederal at lokal na pamahalaan.
Unang una, hindi napapanahong inilabas ng pederal na pamahalaang Amerikano ang travel ban.
Bunsod nito, patuloy na dumarami ang mga naangkat na kaso.
Pangalawa, ang pagtitipun-tipon ng mga tao mula sa iba't ibang lugar, kasunod ng pagbalik sa kani-kanilang pamayanan ay gumaganap ng kapansin-pansing papel sa maagang pagkalat ng COVID-19 sa Amerika.
Pangatlo, dahil sa kakulangan sa kamalayan ng proteksyon, ang mga ospital at pasilidad ng pag-aalaga at pagkalinga na may mas mataas na panganib, at pinagtatrabahuhang may malaking densidad ay nagpabilis ng pagkalat ng sakit.
Pang-apat, ang di-kinilalang transmisyon ay gumanap ng masusing papel sa pagsisimula at pagbilis ng pagkalat ng virus sa Amerika, kung saan hindi napuna ang mga kaso.
Para sa mga detalye, narito po ang weblink ng naturang ulat:
https://www.cdc.gov/mmwr/volumes/69/wr/mm6918e2.htm
Salin: Jade
Pulido: Rhio
