|
||||||||
|
||
Si Maria Van Kerkhove, Technical Lead ng WHO Health Emergencies Programme
Bilang tugon sa pananalita nina Pangulong Donald Trump at Kalihim ng Estado Mike Pompeo ng Amerika na ang coronavirus di umano ay nagmula sa Wuhan Institute of Virology ng Chinese Academy of Sciences (CAS), sa isang regular na news briefing na idinaos nitong Biyernes, Mayo 4, 2020 (local time) ng World Health Organization (WHO), ipinahayag ni Maria Van Kerkhove, Technical Lead ng WHO Health Emergencies Programme, na karaniwang kumakalat ang coronavirus sa pagitan ng mga paniki. Aniya, sa nagyon, halos 15,000 kumpletong gene sequence ng virus ay nagpapakitang hindi ito nilikha ng tao.
Si Michael Ryan, Executive Director ng WHO Health Emergencies Programme
Ipinahayag naman ni Michael Ryan, Executive Director ng WHO Health Emergencies Programme, na hindi pa natatanggap ng WHO ang anumang kaukulang ebidensya mula sa panig Amerikano para patunayang ang virus ay nagmula sa nasabing laboratoryo. Aniya, batay sa gene sequence ng virus at lahat ng mungkahing natanggap ng WHO, pareho silang nagpapakitang ang virus ay nagmula sa kalikasan.
Salin: Lito
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |