Sa virtual news briefing na idinaos nitong Huwebes, Mayo 21, 2020 ng ika-3 sesyon ng Ika-13 Pambansang Kongresong Bayan o National People's Congress ng Tsina (NPC), sinabi ni Zhang Yesui, tagapagsalita ng sesyong ito, na bilang pinakamalaking umuunlad at maunlad na bansa, at dalawang pinakamalaking ekonomiya sa buong daigdig, napakahigpit ng pag-uugnayang pangkabuhayan at pangkalakalan ng Tsina at Amerika, at may malawak na komong kapakanan ang dalawang bansa. Aniya, ang kooperasyong Sino-Amerikano ay siyang tanging tumpak na pagpili.
Sinabi ni Zhang, sa ngayo'y nasa mahalagang yugto ang relasyong Sino-Amerikano. Dapat igiit ng dalawang bansa ang paggagalangan sa isa't-isa at kooperasyon sa halip ng pagkakaroon ng konprontasyon, aniya.
Dagdag pa niya, ang isang matatag na relasyong Sino-Amerikano ay hindi lamang naaangkop sa pundamental na kapakanan ng mga mamamayan ng dalawang bansa, kundi maging unibersal na inaasahan ng komunidad ng daigdig.
Salin: Lito