Panukalang batas na may kinalaman sa Hong Kong, magkakaloob ng karanasan para sa pagresolba sa isyu ng Taiwan—mga deputadong Taiwanese ng NPC

Sa Ika-3 Taunang Sesyon ng Ika-13 Pambansang Kongresong Bayan o National People's Congress (NPC) ng Tsina, susuriin ang isang panukalang batas hinggil sa pagtatatag at pagpapabuti ng sistemang pambatas at mekanismo ng pagpapatupad para sa pagtatanggol sa pambansang seguridad sa Hong Kong.

Kaugnay nito, ipinahayag ng mga deputadong Taiwanese ng NPC na ang pagresolba sa kaguluhan sa Hong Kong at pambansang seguridad, sa pamamagitan ng lehislasyon ay malinaw na signal mula sa Chinese mainland patungo sa pamunuan ng Democratic Progressive Party at komunidad ng daigdig.

Si Zhang Xiong

Ayon kay Zhang Xiong, isang deputadong Taiwanese, ang paglutas sa isyu ng kaguluhan sa Hong Kong at pambansang seguridad, sa pamamagitan ng lehislasyon ay magkakaloob ng napakagandang karanasan para sa pagsasakatuparan ng reunipikasyon ng inang bayan at pagresolba sa isyu ng Taiwan.

Si Xu Pei

Sinabi naman ng isa pang deputadong Taiwanese na si Xu Pei, na malinaw na ipnapahayag ng nasabing panukalang batas na hinding hindi yuyukod ang Tsina sa mga isyung may kinalaman sa soberanya at seguridad ng bansa.

Si Lin Qing

Sa palagay naman ng deputadong Taiwanese na si Lin Qing, sa anggulo ng pangangalaga sa pambansang seguridad, kailangang kailangan at may malalimang impluwensiya ang pagtatakda ng batas at mekanismo ng pagpapatupad.

Ito aniya ay kumakatawan sa mithiin ng mga mamamayan.

Nananalig aniya siyang ang pagtatatag at pagkumpleto sa sistemang pambatas at mekanismo ng pagpapatupad ay tiyak na lilikha ng garantiya't kondisyon para sa mas magandang kinabukasan ng Hong Kong.

Salin: Vera