Ipinalabas nitong Linggo, Hunyo 7, 2020 ng pamahalaang Tsino ang white paper na pinamagatang "Aksyon ng Tsina sa Pakikibaka Laban sa COVID-19" kung saan nakatala ang napakahirap na proseso na pinagdaanan ng Tsina sa pakikibaka sa Corona Virus Disease 2019 (COVID-19).
Hinggil dito, tinukoy ng maraming personahe mula sa iba't-ibang sirkulo ng komunidad ng daigdig, na lubhang mahalaga ang karanasang Tsino sa usaping ito, at ito ay may katuturang pampatnubay para sa buong daigdig.
Natamo ng Tsina ang napakalaking positibong bunga sa paglaban sa epidemiya, anila.
Ipinalalagay ni Zamir Awan, dating counsellor ng Pakistan sa Tsina, na ang nasabing white paper ay isang napakahalagang dokumentong nagbabalik-tanaw sa prosesong pinagdaanan ng Tsina sa pakikibaka sa epidemiya at mga kaukulang datos.
Ito aniya ay isa sa mga pinakamabuting patnubay sa ibang mga bansa sa usapin ng panggagamot, at pagpigil at pagkontrol sa epidemiya.
Ipinahayag namn ni Robert C. Gallo, Direktor ng Instituto ng Pananaliksik sa Virus ng University of Maryland, College Park ng Amerika, na maliwanag na napakabisang hakbangin ang kuwarentinang agarang isinagawa ng pamahalaang Tsino.
Ipinahayag naman ni Abdalla Hamdok, Punong Ministro ng Transisyonal na pamahalaan ng Sudan, ang pag-asang mapag-aaralan ng kanyang bansa ang karanasang Tsino sa panggagamot, at pagpigil at pagkontrol sa epidemiya.
Ipinaabot din niya ang pasasalamat sa mga pagsisikap at ambag ng grupo ng ekspertong medikal ng Tsina sa Sudan.
Salin: Lito
