Ipinatalastas Hulyo 7, 2020 ng Beijing na sa loob ng 24 oras mula hating-gabi ng Hulyo 6 wala anumang kumpirmadong kaso o pinaghihinalaang kaso ng Coronavirus Disease 2019 (COVID-19) sa lunsod. Ito'y nangangahulugang nagbunga na ang mga hakbangin ng Beijing sa paglaban sa outbreak ng COVID-19 kamakailan.
Ang outbreak ng epidemiya ng COVID-19 sa Beijing noong nakaraang buwan ay nakakuha ng pansin ng iba't ibang sirkulo. Sa artikulo ng China Daily, ipinalalagay nina Asit K. Biswas, Propesor ng University of Glasgow ng Britanya, at Hong Yingyuan, Chief Executive Officer ng Taylor & Francis Group, dalawang may-akda ng artikulong ito, na sa harap ng epidemiyang ito, isinagawa ng Beijing ang mabilis, malakas at mahigpit na hakbangin para igarantiya ang kaligtasan ng buhay at kalusugan ng mga mamamayan.
Isinagawa din ng Beijing ang malawakang nucleic acid testing. Sa komentaryo ng New York Times, itinuturing ito bilang susi ng matagumpay na pagkontrol sa epidemiya.
Sa ulat noong Hunyo 29, ipinalalagay ng Cable News Network o CNN na, "Sa kasalukuyan, tila nagtagumpay na ang pagsisikap ng Beijing sa pagkontrol sa epidemiya. Kinumpirma muli nito ang bisa ng lockdown, social distancing, pasusuot ng mask at malawakang nucleic acid testing." Maaaring sabihing naibahagi ng Beijing ang karanasang magbubukas ng isipan ng sangkatauhan sa pagkontrol sa epidemiya.
Salin:Sarah
