Sa news briefing Huwebes, Hulyo 16, 2020, sinabi ni Liu Aihua, Tagapagsalita ng Pambansang Kawanihan ng Estadistika ng Tsina, na lumitaw ang positibong pagbabago sa kalagayan ng hanap-buhay ng bansa noong unang hati ng taong ito, pero dahil sa epekto ng pandemiya ng COVID-19, medyo malaki ang presyur sa hanap-buhay sa kasalukuyang taon.
Isinalaysay ni Liu na noong unang hati ng taong ito, mas kaunti ng 1.73 milyon ang mga taong nakahanap ng trabaho sa mga lunsod at nayon kumpara sa gayun ding panahon ng tinalikdang taon.
Noong ika-2 kuwarter, lumiit naman ng 4.96 milyon ang bilang ng mga rural laborer na nagtutungo sa mga lunsod, at ito ay bumaba ng 2.7% kumpara sa gayunding panahon ng tinalikdang taon.
Naitala naman sa taong ito ang mas mataas na unemployment rate ng mga bagong gradweyt mula sa unibersidad kumpara noong nakaraang taon.
Dagdag ni Liu, ibayo pang patatatagin at palalawakin ng bansa ang hanap-buhay, sa pamamagitan ng lahat ng paraan.
Salin: Vera
