Pangulong Xi Jinping ng Tsina (File Photo)
Ipinadala nina Pangulong Xi Jinping ng Tsina at Haring Salaman bin Abdulaziz Al Saud ng Saudi Arabia ang mensaheng pambati sa isa't isa kamakailan kaugnay ng pagdiriwang sa Ika-30 Anibersaryo ng Pagkakatatag ng relasyong Diplomatiko ng Tsina at Saudi Arabia.
Tinukoy ni Xi na nitong 30 taong nakalipas sapul nang itatag ang relasyong diplomatiko ng Tsina at Saudi Arabia, matatag ang pag-unlad ng dalawang bansa, at natamo ang maraming bunga sa iba't ibang larangan. Lubos na pinahahalagahan ng Tsina ang pag-unlad ng relasyon ng dalwang bansa. Nakahanda ang Tsina na magsikap, kasama ng Saudi Arabia, para pasulungin ang pag-uugnay ng Belt at Road Initiative at Vision 2030 ng Saudi Arabia, para magkakasamang pamunuan ang relasyon ng dalawang bansa na walang humpay na natatamo ang bagong bunga.
Ipinahayag ni Salaman na nitong 30 taong nakalipas sapul nang itatag ang relasyong diplomatiko ng Tsina at Saudi Arabia, malaki ang pag-unlad ng relasyon ng dalawang bansa sa iba't ibang larangan. Nakahanda ang Saudi Arabia na patuloy na pasulungin ang walang humpay na pag-unlad ng relasyong ito upang magdulot ng benepisyo para sa mga mamamayan ng dalawang bansa. Nakahanda ang Saudi Arabia na magsikap, kasama ng Tsina, para labanan ang epidemiya ng Coronavirus Disease 2019 (COVID-19). Inaasahan ng Saudi Arabia na isagawa ang mas maraming pakikipagkooperasyon sa Tsina para pasulungin ang kaligtasan at katatagan ng rehiyong at daigdig.
Salin:Sarah