Hinggil sa CRIHinggil sa Serbisyo Filipino
   

Tsina, maraming aral at halimbawang dapat tularan; mga grupong FilChi nanguna sa bayanihan: Philippines-China Relations During COVID-19 webinar

(GMT+08:00) 2020-07-27 21:13:49       CRI

Naniniwala si Dr. Wei Xiaolin ng University of Toronto sa Canada na maraming mahahalagang aral mula Tsina ang dapat matutunan ng mga Pilipino para mapagtagumpayan ang COVID-19 pandemic.

Sa kanyang pananaw limang elemento ang susi ng tagumpay ng Tsina: malakas na kakayahan ng mga ahensiya ng pampublikong kalusugan, matatag na politikal na paninindigan ng pamahalaan, bisa ng sistemang pangkalusugan sa pagtugon sa pandemiya, pagkakaisa at pagkilos ng komunidad at ang pakikipagtulungan sa mga pandaigdigang organisasyong pangkalusugan tulad ng World Health Organization at sa komunidad ng daigdig upang magpalitan ng kaalaman at karanasan.

Idinaos Lunes ng umaga, Hulyo 27, 2020 ang Philippines-China Relations During COVID-19 webinar sa pagtataguyod ng Philippine Association for Chinese Studies (PACS) at Center for Philippine Studies, Jinan University. Inanyayahan ang apat na dalubhasa upang ibahagi ang kanilang mga kaalaman hinggil sa paglaban sa COVID-19 pandemic at ang kalagayan ng pulitika at geopolitics sa gitna ng pinakamalubhang krisis pangkalusugan sa mundo. Higit 100 ang sumali sa webinar mula sa iba't ibang sektor gaya ng academe, media, negosyo, atbp.

Bukod kay Dr. Wei, nagbigay din ng presentasyon si Dr. Tan Cho Chiong ng PACS at Institute of Medicine ng Far Eastern University. Isinalaysay niya ang bayanihang isinagawa ng Filipino-Chinese community sa Pilipinas sa kasagsagan ng COVID-19 epidemic.

Ani Dr. Tan, malaki ang naiambag ng mga civil society, business sector, mga NGO, grupong simbahan, institusyong pang-edukasyon at komong mga tao na nagkapit-bisig nang kumalat ang COVID-19 sa bansa.

Nakipag-ugnayan ang Federation of Filipino-Chinese Chambers of Commerce and Industry, Inc. (FFCCCII), pinakamalaking grupo ng mga FilChi, sa Pasuguan ng Tsina sa Pilipinas hinggil sa pagpunta sa Pilipinas ng mga doktor na Tsinong eksperto sa COVID-19. Sa panahon ng kanilang pananatili, naibahagi ng Chinese medical team ang technical advice sa mga Pilipinong doktor mula sa iba't ibang ospital sa Metro Manila.

Bukod sa mga donasyong kinabibilangan ng pera, gamot, pang-araw-araw na pangangailangan, isinagawa rin ng mga grupong FilChi ang tulong pangkabuhayan at pang-edukasyon. Pinahalagahan ng grupo ang pagtugon sa kahirapan, pagkawala ng trabaho at paggamot sa maraming mental illness na lumitaw sa maraming mga Pilipino sa panahon ng epidemic.

Bilang pagtatapos, dahil walang pinipili ang COVID-19, ibinahagi ni Dr. Tan ang bible verse na "Mahalin mo ang iyong kapwa tulad ng pagmamahal mo sa iyong sarili." Isang akmang mensahe na may katulad sa Quran at Torah bilang paalala na magdamayan habang patuloy na lumalaban ang sangkatauhan sa pandemiyang di pa tiyak ang katapusan.

Bukod kina Dr. Wei at Dr. Tan, nagbigay din ng presentasyon sina Dr. Aaron Jed Rabena ng Asia Pacific Pathways to Progress at Prof. Elmer Soriano ng Polytechnic University of the Philippines.

Ang Philippine Association for Chinese Studies (PACS) ay itinatag noong 1987. Ito ay isang non-partisan at non-profit na samahan ng mga propesyonal na may kaisipang maging bahagi ng isang mapayapang mundo ang mga Pilipinong may lubos ng pagkaunawa sa Tsina.

Sa pamamagitan ng kadalubhasaan ng mga iskolar at mga maalam sa galaw ng Tsina, hangad nitong palalimin ang kaalaman ng mga Pilipino sa Tsina at mga mamamayan nito upang isulong ang mutuwal na pag-uunawaan at kooperasyon sa pagitan ng Pilipinas at Tsina.

Ulat: Mac Ramos

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>