Walang anumang batayan ang bintang ng ilang opisyal na Amerikano hinggil sa Konsulado Heneral ng Tsina sa Houston, ang mga ito ay ganap na paninirang-puri. Ipinahayag ito Hulyo 27, 2020, ni Wang Wenbin, Tagapagsalita ng Ministring Panlabas ng Tsina sa regular na preskon sa Beijing.
Nang kapanayamin Hulyo 24, sinabi ng ilang mataas na opisyal mula sa Konseho ng Estado, Departamento ng Hustisya at Departamento ng Impormasyon ng Amerika, na matagal nang ginagawa ng Konsulado Heneral ng Tsina sa Houston ang ilegal na mga gawain na kinabibilang ng pagnanakaw ng mga sekretong pangkalakalan at pang-iispya.
Hinggil dito, sinabi ni Wang na ang Konsulado Heneral ng Tsina sa Houston ay unang konsuladong binuksan ng Tsina sa Amerika pagkatapos ng pagkakatatag ng diplomatikong relasyon ng dalawang bansa. Nitong 41 taong nakalipas, walang humpay na nagsisikap ang nasabing kunsulado para pasulungin ang paguunawaan at pagtutulungan ng iba't ibang sirkulo ng Tsina at Amerika. Ibinigay nito ang ambag sa pagkakaibigan ng Tsina at Amerika, at tinanggap nito ang lubos na papuri mula sa iba't ibang sirkulo ng lipunan sa katimugan ng Amerika.
Salin:Sarah