Hinggil sa CRIHinggil sa Serbisyo Filipino
   

Chris Manansala : Math ang nagdala sa kanya sa Tsina

(GMT+08:00) 2014-05-07 15:58:59       CRI

Nang tanungin kung kumusta ang buhay-buhay niya sa Tsina, partikular sa Chongqing, inaasahang isang math equation ang ibabahagi ni Chris Manansala. Sa halip ginamit niya ang linya sa pelikulang Forrest Gump at sinabing "Life is like a box of chocolate, you never know what you're gonna get."

Si Chris Manansala ang Head ng Mathematics Department at Subject Coordinator sa Chongqing No.1 International Studies School. 2008 nang tanggapin niya ang hamon para magturo ng Math sa middle school dito sa Tsina. Gaya ng karakter na si Forest Gump, ang buhay ni Chris ay di nagkulang sa mga surpresa.

Mula siya sa isang mahirap ng pamilya at talagang iginapang ang kanyang pagtatapos sa pamantasan. Pero sinuklian naman ang lahat ng paghihirap ng mabuting kapalaran bilang guro sa eskwelahan.

Sa pamamagitan ng pagdalo sa iba't ibang mga pagsasanay para sa mga guro mas napag-iibayo ni Chris Manansala ang kaalaman sa pagtuturo.

 
 

Anim na taon nang nagtuturo sa Chongqing si Chris Manansala at mahalagang pundasyon sa pag-aaral ng Math ang maunawaan ang mga basic mathematical terms

 

 

Si Mao Leran ay isa sa ipinagmamalaki ni Chris Manansalang estudyante matapos niyang makuha ang mataas na marka sa SAT.

 

2008 dumating sa Chongqing, Tsina si Chris Manansala. Nasaksihan niya ang pag-unlad ng Chongqing. Bilang guro sa paglipas ng mga taon nakita rin niya ang pagdami ng mga estudyanteng Tsino na lumalabas ng Tsina para doon mag-kolehiyo. Isa sa kanyang ipinagmamalaking mag-aaral ay si Mao Leran na napakataas ng nakuhang marka sa kanyang SAT at ngayo'y naghihintay na lang mga abiso mula sa mga pamantasan sa Amerika kung tanggap na siya. Bunga ng lahat ng sakripisyo ni Ginoong Manansala ang ilang mga gawad na kumikilala sa kanyang galing sa pagtuturo ng Matematika.

Patuloy ang pakikipagsapalaran ni Chris Manansala sa Chongqing. Pinaghuhugutan niya ng lakas ng loob ang kapwa niya mga OFWs at opisyal mula sa Konsulada na marami ang naitulong sa kanya. Di rin niya nakakalimutan ang mga dating co-teachers sa Pilipinas na malaki ang nai-ambag sa kanyang karanasan bilang guro. At ang kanyang pamilya na pinagmumulan ng inspirasyon para mas galingan pa ang kanyang pagtuturo sa Chongqing.

Pakinggan ang panayam ni Mac Ramos kay Chris Manansala sa programang Mga Pinoy sa Tsina. Kung gamit ay desktop siguruhing ito'y may pinakabagong bersyon ng Flash Player. Kung tablet at smartphone ang gamit, mapapakinggan ang programa sa pamamagitan ng Podcast ng Kape't Tsaa.

Ang mga awards ni Chris ang motibasyon para mas pagbutihin pa niya ang pagtuturo sa kanyang mga estudyante para mas maging handa sa pagpasok sa mga malalaking pamantasan sa ibang-bansa
May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>