Nitong Martes ika 21 ng Hulyo, dumalaw sa Beijing Capital University of Physical Education and Sports ang Philippine Youth Table Tennis Goodwill Delegation. Ang delegasyon ay binubuo ng mga manlalarong nagwagi sa ika 10 Uni-Orient Cup na kinabibilangan nina Adolfo Bazar Jr, Jerald Cristobal, Jethro Gapas, Soren Patrick Mendiola, Jann Mari Nayre, Sandro Paul Cortez, Danica Marielle Alburo, Ina Alleli Co, Ian Lariba, Jannah Maryam Romero, Joma Illas Sibal at Ma. Angelica Sanchez.
Ang ika 10 Uni-Orient Cup ay proyekto ni Stephen Techino, Pangulo ng Federation of Filipino Chinese Associations of the Philippines at isang table tennis enthusiast mula pagkabata.
Pinirmahan ang Letter of Intent nina Xu Liang Yan, Principal ng Competitive Sports School ng Capital University of Physical Education and Sports at Chen Huicheng, Pangulo ng Table Tennis Association for National Development of the Philippines o TATAND.
Ayon kay Techico ito ang simula ng bagong pagtutulungang di lamang magpapaunlad ng programang pampalakasan ng mga kabataan kundi magsususlong din ng pagkakaibigan at mabuting pakikipagkapwa sa pagitan ng mga Tsino at Filipino. Dagdag niya na nanalig siyang ito ay magiging daan para sa palitan ng kultura at ideya at magpapatibay sa ugnayan ng dalawang bansa.
Sa kanyang talumpati, sinabi naman ni Principal Xu Liangyan na ang mapagkaibigang pagpapalitan sa pagitan ng TATAND at kanyang eskwelahan ay pagkakataong magbahaginan ng kaalaman sa pagsasanay at tiyak na magpapalakas sa komunikasyon at mabuting damdamin sa pagitan ng mga manlalaro ng ping pong.
Sinusugan ito ni Charlie Lim at sinabing ang pagkakaroon ng pagkakataong sumailalam sa mas sulong na pagsasanay ay susi para sa tagumpay ng isang atleta.
Kasama rin delegasyon si Philippine Sports Commission Chairman Ricardo Garcia at hangad niyang maulit ang katulad na kooperasyon sa iba pang mga isports. Bagamat walang professional league ang table tennis ito'y lumalago at nawa't patuloy na suportahan ang ping pong at huwag bitiwan ang hangaring magkaroon ang bansa ng mga pandaigdig na kampeon balang araw.
Ayon naman kay Evangeline Ong, kinatawan ng pasuguan ng Pilipinas na ang aktibidad ay maaring tawaing ping pong diplomacy. Dagdag niya na ang mabuting ugnayan ng mga mamamayan ang pundasyon ng mainam na relasyon ng mga bansa.
Nagkaisa ang mga atletang Pinoy na magandang exposure ang dulot ng goodwill games sa ito sa Beijing. Ayon kay Ian Lariba, national player ng Pilipinas, nagpapasalamat siyang maging bahagi ng isang aktibidad na nagsusulong ng pagbuti ng relasyong Sino-Pilipino.
Pakinggan ang buong panayam ni Mac Ramos sa mga miyembro ng delegasyong Pilipino sa programang Mga Pinoy sa Tsina.
Si Charles Lim
1 2 3 4 5
