Hinggil sa CRIHinggil sa Serbisyo Filipino
   

Nanjing, noon at ngayon

(GMT+08:00) 2012-09-13 15:32:02       CRI

Dalawang linggo na po ang naakakraan nang talakayin natin, kasama ni Lakay Ramon ang tungkol sa Rehiyong Awtonomo ng Xinjiang. Para sa pagpapatuloy ng ating lakbay series, darako naman tayo sa may gawing Silangan ng Tsina at pag-uusapan ang lunsod ng Nanjing.

Ang Nanjing ay ang kabisera ng probinsyang Jiangsu ng Tsina. Ito ay may prominenteng lugar sa kasaysayan at kultura ng bansa, at ilang beses ding naging kabisera ng Tsina. Ang salitang "Nanjing" ay literal na nangangahulugang "timog na kabisera." Ito ay matatagpuan sa may bandang ibaba ng Ilog Yangzi.

Ang Nanjing po ay kinikilala bilang isa sa apat na pinakadakilang kabisera ng Tsina. Ito ang sentro ng Kaharian ng Wu noong panahon ng "3 Kaharian," (Three Kingdom Period) at kabisera ng buong bansa noong panahon ng Republika ng Tsina sa panahon ng digmaang sibil.

Maliban diyan, noong 1368 ang Nanjing ang ginawang kabisera ni Emperador Zhu Yuanzhang, unang emperador ng Dinastiyang Ming. Siya ang tumalo sa Dinastiyang Yuan, na itinayo naman ni Genghis Khan. Ipinagawa niya ang pader ng Nanjing sa loob ng 21 taon. Hanggang sa kasalukuyan, ito pa rin ang pinakamahabang nakatayong pader ng isang lunsod sa buong mundo.

Ang Nanjing ay nanatiling kabisera ng Tsina hanggang 1421. Inilipat ng ikatlong emperador na si Zhu Di o mas kilala bilang Yongle Emperor ang kapital ng bansa sa Beijing. Doon, pinasimulan niyang itayo ang Forbidden City. Si Emperador Yong Le rin po ang kaibigan ng Sultan ng Sulu na kanyang dinalaw sa Beijing.

Ang nasabing sultan ay namatay dahil sa sakit, habang naglalakbay pabalik ng Pilipinas. Ang kanyang mga labi ay matatagpuan sa lalawigang Shandong, at binabantayan pa rin ng kanyang mga salinlahi. Isa ito sa mga patunay na magmula pa noong sinaunang panahon, ang Tsina at Pilipinas ay higit pa sa magkapitbansa.

Ang Nanjing ay ang pambansang sentro ng edukasyon, pananaliksik, estruktura ng transportasyon, at turismo. Dito rin idaraos ang 2014 Summer Youth Olympics Games.

 

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>