|
||||||||
|
||
SINABI ni Professor Miriam Coronel-Ferrer na maraming nagdarasal upang magtagumpay ang pag-uusap ng Pamahalaan ng Pilipinas at Moro Islamic Liberation Front na sinimulang muli kahapon sa Kuala Lumpur, Malaysia.
Sa kanyang opening statement, sinabi ni Professor Ferrer, pinuno ng Government of the Philippines peace panel na maraming civil society organizations na nagparating ng kanilang mga pahayag ng pag-asang magkakaroon ng magandang wakas ang pag-uusap.
Niliwanag niyang hindi perpekto ang mga annex na nakalagay sa Bangsamoro Framework kaya't kailangang mag-usap. Ang Bangsamoro Framework ang siyang pagmumulan ng master plan.
Malaki umano ang inaasahan kaya't pati ang Third Party Monitoring Team na pinamumunuan ni Alistair McDonald na naglingkod sa Pilipinas mula noong 1990 hanggang 1995 at mula 2007 hanggang 2011 bilang pinuno ng European Union delegation sa Maynila.
Bagama't mahihirap na isyu ang kinahaharap ng magkabilang-panig, batid umano niya na nais ng lahat na magkaroon ng partnership sa pag-itan ng magkabilang panig sa layuning maghari ang kapayapaan at kaunlaran sa katimugang bahagi ng Pilipinas.
© China Radio International.CRI. All Rights Reserved. 16A Shijingshan Road, Beijing, China. 100040 |