|
||||||||
|
||
melo20130722
|
PINURI ni Pangulong Benigno Simeon C. Aquino III ang mga taos-pusong naglingkod sa pamahalaan samantalang kanyang pinuna ang ilang pinuno ng ahensya dahilan sa kakulangan ng magandang performance tulad ng Bureau of Customs, Bureau of Immigration at National Irrigation Administration.
Pinuri naman niya si Foreign Secretary Albert F. del Rosario na naglingkod sa mga Pilipinong napagitna sa kaguluhan sa Libya. Pinuri din niya si Kalihim Ramon Jimenez sa pagtatangkang madagdagan ang mga turistang darating sa Pilipinas.
Sinabi rin ni Pangulong Aquino sa kanyang ika-apat na State of the Nation Addres na matatapos na rin ang kakulangan sa mga silid-aralan dahilan na rin sa magandang performance ni Kalihim Armin Luistro. Binanggit din niya ang pangangailangang matugunan ang mga problema tulad ng mga pagbaha sa Kamaynilaan at iba pang bahagi ng bansa.
Isusumite na niya bukas ang P 2.23 trilyong panukalang budget para sa taong 2014.
Sa kabilang dako, nagkagulo sa labas ng Batasang Pambansa ng magpumilit ang mga militanteng grupo na makapasok sa mga lansangang malapit sa Batasang Pambansa. Hindi nakalusot ang mga militante sa mahigpit na pagbabantay ng mga tauhan ng pulisya. Sa inisyal na ulat, siyam katao ang nabalitang nasugatan sa sagupaan kaninang tanghali.
© China Radio International.CRI. All Rights Reserved. 16A Shijingshan Road, Beijing, China. 100040 |