Katatagan ng Pamahalaan, mahalaga sa mga mangangalakal
NAPAKAHALAGA ng katatagan ng mga alituntunin ng pamahalaan upang lumago ang mga kalakal sa Pilipinas. Ito ang layunin ng 30th Philippine Business Conference ng Philippine Chamber of Commerce and Industry sa gagawing pagpupulong sa ika-21 ng Oktubre sa Manila Hotel.
Ayon kay Pangulong Miguel B. Varela ng PCCI, ang mga mangangalakal ay nagkakaroon ng interes sa Pilipinas sa oras na makatiyak ng maayos at patas na larangan at maliwanag na kikitain.
Ang mga credit rating na natamo ng bansa ang nagtaas ng antas ng Pilipinas tungo sa investment grade status. Lumago rin ang ekonomiya na nagpapakita ng matatag ang kalakalan sa bansa.
Ang mga lalahok sa Philippine Business Congress ay magkakaroon ng pagkakataon na makipagpalitan ng impormasyon at mahahalagang datos at tiyak na makikinig sa mga magbabahagi ng mga nagaganap sa pamahaaan.
Inaasahang dadalo ang mga kasapi sa samahan sa iba't ibang rehiyon at foreign trade missions.
Bagong obispo ng Dumaguete, kinilala
HINIRANG ni Pope Francis si Cebu Auxiliary Bishop Julito B. Cortes bilang Obispo ng Dumaguete na katatagpuan ng may 1,034,000 na Katoliko, 104 na pari at 125 mga madre't pari na kabilang sa iba't ibang religious congregations.
BAGONG OBISPO NG DUMAGUETE KINILALA. Si Cebu Auxiliary Bishop Julito B. Cortes ang bagong Obispo ng Dumaguete. Siya ang ika-apat na obispo ng Dumaguete mula ng itatag ito noong Abril 1955.
Isinilang si Bishop Cortes sa Paranaque noong 1956 at naordenan sa pagkapari noong 1980. Naordenan sa pagka-obispo noong 2002. Siya ang ika-apat na Obispo ng Dumaguete mula ng itatag ito noong Abril 1955.
1 2 3
