|
|
|||||||
| |
||||||||
|
||
Tinig ng EDSA People Power 1, namayapa na
NATAPOS na ang pakikipaglaban ng kilalang media personality noong EdSA People Power 1 sa karamdamang cancer. Namayapa na sio June Kiethley-Castro kagabi matapos ang kanyang matagal na pakikipaglaban sa karamdaman.
Nakilala si Kiethley sa pananatili sa himpapawid sa loob ng 14 na oras noong EdSA People Power revolution na nagpatalsik kay Ferdinand Marcos. Siya ang nagpalakas ng loob ng mga kawal at mga sibilyang naipon sa EDSA.
Sa pahayag na inilabas ng Malacanang, sinabi ng palasyo na hindi nawala ang lakas ng loob ni June tulad rin ng kanyang ginawa noong 1986. Pumanaw na rin ang kanyang mister, si Angelo Castro Jr. noong nakalipas na taon.
Ayon kay Kalihim Edwin Lacierda, ikinalulungkot ng pamahalaan ang pagpanaw ni Gng. Kiethley-Castro.
Malapit siyang kaibigan ni Fr. James B. Reuter. Isang anchorwoman si June sa Radio Veritas noong 1986. Sa pangambang sasalakayin ng mga kawal ang himpilan ng radyo, inilipat nila ang broadcast sa DZRJ at tinawag na Radyo Bandido.
| © China Radio International.CRI. All Rights Reserved. 16A Shijingshan Road, Beijing, China. 100040 |