|
||||||||
|
||
melo/20131205.m4a
|
PERSONAL na susuriin ni Secretary General Bekele Geleta ng International Federation of Red Cross and Red Crescent Societies ang situwasyon matapos hagupitin ni "Yolanda" ang Central Philippines noong isang buwan.
Isang dalubhasa sa paglilingkod sa mga namimiligrong mga mamamayan sa nakalipas na 20 taon, si Bekele ay may malawak na karanasan sa pagpapatakbo, pagpapayo at pagpapatupad ng mga palatuntunan sa humanitarian organizations.
Dadalaw si Bekele sa Leyte kasama sina Philippine Red Cross Chairman Richard Gordon at Secretary-General Gwen Pang upang mamahagi ng relief goods at suriin ang nagagawa nan g samahan.
Mayroong nakatakdang coordination meeting sa iba pang partner national societies upang higit na makatulong ang Red Cross at Red Crescent societies sa buong daigdig.
Higit umano sa 1.5 milyong pamilya mula sa 404 bayan at mga lungsod ang apektado ng trahedya. Mayroon nang 156,819 na food packs ang naipamahagi sa mga pamilya samantalang halos 40 libo katao ang nabigyan ng hot meals. Nakapaglingkod na rin ang PRC welfare services sa may 32,268 kaso ng tracing at restoring family links.
© China Radio International.CRI. All Rights Reserved. 16A Shijingshan Road, Beijing, China. 100040 |