Si Leila
Ngayong gabi ay ikalawang bahagi ng ating special Spring Festival Series, kung saan tatalakayin natin ang mga isyung may-kinalaman sa pag-uwi sa probinsya ng mga kabataang Tsino, partikular kapag Spring Festival.
Para sa mga hindi nakasubaybay sa ating unang episode; dito sa Tsina, gusto ng mga magulang na kapag umuwi ang kanilang mga dalaga't binatang anak mula sa malalaking lunsod kung saan sila nagtatrabaho, kailangang may ipapakilala silang bf o gf.
Nagiging malaking isyu para sa mga magulang na Tsino kung ang kanilang mga anak ay sumampa sa edad 25 anyos, pataas at wala pang bf o gf. Gusto kasi ng mga magulang na Tsino, na makitang magpakasal at magkaroon ng sariling pamilya ang kanilang mga anak, bago sila tuluyang tumanda at pumanaw.
Kaya, kung ikaw ay binata o dalagang Tsino na edad 25 anyos pataas, at ikaw ay may bf o gf; safe ka sa presyur ng iyong mga magulang. Pero, kung ikaw naman ay walang bf o gf: lagi kang kukulitin ng iyong parents.
Dahil po diyan, maraming kabataang Tsino ang nakaisip ng malikhaing paraan upang makaligtas sa pangungulit ng kanilang mga magulang, at, mapagbigyan ang gusto nila.
Ito ay sa pamamagitan ng "Contract Boyfriend o Girlfriend." Sa sistemang ito, ang mga kabataan ay kokontrata ng mga "boyfriend o girlfriend" sa mga website o sa pamamagitan ng mga lihim na paraan. Pagkatapos, magpipirmahan sila ng kontrata, kung saan nakalagay haba ng panahon at kung hanggang saan ang kanilang maaring gawin, at magkano ang babayaran sa bawat aksyong gagawin. Halimbawa, kung hahawakan ang kamay, mayroon itong katumbas na halaga: kung yayakapin o hahalikan, mayroon ding katumbas na halaga.
1 2
