|
|
|||||||
| |
||||||||
|
||
Kagawaran ng Kalusugan, nais isailalim sa tests para sa MERS virus ang lahat ng pasahero ng Etihad EY 0424
HINILING ng Kagawaran ng Kalusugan na isailalim sa pagsubok o tests ang mga pasaherong dumating sa Maynila noong Martes, ika-15 ng Abril sapagkat ito rin ang eroplanong sinakyan ng isang lalaking nurse na mayroong Middle East Respiratory Syndrome coronavirus.
Sa isang press statement ng Kagawaran ng Kalusugan, hiniling nilang sumailalim sa pagsubok ang mga pasahero upang maiwasan ang posibilidad na mayroon silang MCV (MERS coronavirus). Inatasan nila ang mga nakasakay ng manggagawang maysakit na tumawag sa Kagawaran ng Kalusugan.
Hinahanap na nila ang mga taong maaaring nakatabi ng may karamdamang pasahero. Ang mga pasahero ay maaaring tumawag sa DOH sa pamamagitan ng numerong 7111001, 7111002, 09228841564, 09209498419 at 0915 7725621.
Ani Asst. Secretary Eric Tayag, kasunod ng pagkasawi ng isang Malaysian national noong Linggo matapos maglakbay patungong Mecca, ang mga Pilipinong nagtungo sa Mecca para sa umrah ay maaaring makipagbalitaan sa Kagawaran ng Kalusugan kung mayroon silang ibang nararamdaman.
| © China Radio International.CRI. All Rights Reserved. 16A Shijingshan Road, Beijing, China. 100040 |