|
||||||||
|
||
Ulat ni Melo 20140422
|
PSG AT US SECRET SERVICE NAGPUPULONG NA. Sinabi ni Lt. Col. Ramon Zagala, tagapagsalita ng Armed Forces of the Philippines,na may paghahanda na ang Pilipinas at Estados Unidos sa seguridad ni Pangulong Barack Obama ng Estados Unidos na dadalaw sa Pilipinas sa Lunes. Tanging suporta lamang ang kanilang ibibigay sa PSG at US Secret Service tulad ng Philippine National Police at Metro Manila Development Authority. (Melo M. Acuna)
NAGTUTULUNGAN na ang mga tauhan ng Presidential Security Group at US Secret Service sa mga isyung pangseguridad sa pagdalaw ni Pangulong Barack Obama ng Estados Unidos sa Lunes, ika-28 ng Abril.
Ayon kay Lt. Col. Ramon Zagala, tagapagsalita ng Armed Forces of the Philippines, may mga pagpupulong nang ginagawa ang mga autoridad at tanging susuporta lamang ang kanilang tanggapan, ang Philippine National Police at ang Metro Manila Development Authority.
Ang Presidential Security Group at ang US Secret Service ang mangangasiwa sa mga pook na pupuntahan ni Pangulong Obama samantalang nasa Maynila.
Samantala, naniniwala si Col. Zagala na nais magparamdam ng mga rebeldeng New People's Army na sila'y may lakas pa sa pamamagitan ng iba't ibang pagkilos sa iba't ibang bahagi ng Pilipinas. Subalit niliwanag ni Col. Zagala na mahihirapang makabawi ang mga rebelde matapos madakip ang kanilang mga pinunong sina Wilma at Benito Tiamzon.
Wala pa umanong pumapalit kina Wilma at Benito Tiamzon sapagkat wala pang nagaganap na pagpupulong o plenum ang mga rebelde dahilan sa pinag-ibayong kampanya ng pamahalaan laban sa mga gerilya sa buong Pilipinas.
© China Radio International.CRI. All Rights Reserved. 16A Shijingshan Road, Beijing, China. 100040 |