Ang aso, ay walang dudang "man's best friend." Napakaraming kontribusyon at pakinabang sa atin ng mga aso: nagagamit sila ng mga pulis at militar sa kanilang mga operasyon, nagagamit sila bilang guide ng mga bulag, nagagamit sila bilang bantay at bodyguard, nagagamit sila bilang pastol ng mga baka at tupa, at siyempre, marami sa atin ang mahilig mag-alaga ng aso at itinuturing sila bilang miyembro ng ating pamilya.
Pero, sa kabila ng mga kabutihang kanilang hatid sa atin, kung minsan ay nagagawa pa rin natin silang pagmalupitan, nakakaligtaan silang asikasuhin at alagaan, sinasaktan, pinapatay, at kung minsan ay kinakain.
Sa Tsina, hindi rin naiiba ang situwasyon. Maraming mga aso ang walang bubong na masisilungan, napabayaan at nakaligtaan, at walang matatawag na pamilya't tahanan.
Pero, alam ba ninyo, may isang laowai o dayuhang naninirahan dito sa Tsina, ang kumakalinga at nagliligtas sa mga asong walang tahanan?
Si Chris Barden ay isang Amerikanong naninirahan sa Tsina mula noong 1998. Siya ay nagtapos ng pag-aaral mula sa prestihiyosong Yale University. Habang nasa Tsina, nahanap ng 45 taong-gulang na si Chris ang kanyang passion sa pagsagip sa mga ulilang mga aso. Sa ngayon, halos 120 aso na ang kanyang nabigyan ng matutuluyan at nasagip.
Bukod pa riyan, isang animal adoption center ang kamakailan ay binuksan ni Chris. Hinihimok at pinapayuhan din niya ang mga tao na huwag bumili ng aso, kasi napakaraming mga malakas, malusog at cute na cute na aso ang puwedeng ampunin mula sa mga animal shelter.
Pakinggan po natin ang kuwento ni Chris.
