INAMIN ni Pangulong Benigno Simeon C. Aquino III na marami pang nararapat gawin bago sumapit ang 2016. Sa kanyang pagharap sa Foreign Correspondents Association of the Philippines, sinabi niyang kailangan pa umanong matapos ang runway sa Tacloban upang makalapag ang mga jet liners sa paliparan. Pinuri niya si Public Works and Highways Secretary Rogelio Singson at Transport Secretary Joseph Abaya sapagkat matatapos na nila ang proyekto sa darating na Nobyembre.
Halos natapos na rin ang mga balak para sa mga biktima ni "Yolanda," dagdag pa ni Pangulong Aquino. Natapos na ang post-disaster needs assessment. Kailangan ding kumuha ng dagdag na mga enhinyero upang makasama sa pagpapatupad ng Disaster Risk Reduction Law.
Ani Pangulong Aquino, sa unang pitong buwan, natuon ang kanilang pansin sa relief efforts at ngayo'y nasa rehabilitation at reconstruction phases. Nais din niyang magkaroon ng palipatan sa Samar-Leyte Area na hindi na manganganib tulad ng Tacloban Airport.
Abala rin ang pamahalaan sa connectors tulad ng South Luzon Expressway (SLEX) at North Luzon Expressway (NLEX) na pag-uusapan pa at sasangayunan. Kailangan din ang pagpapabuti ng health networks na kabilang sa kanilang mga prayoridad.
1 2 3 4 5 6