|
||||||||
|
||
Inflation sa Pilipinas, ayon sa target ng pamahalaan
ANG inflation rate sa buong taon ng 2014 ay umabot sa 4.1%. Ito ang ikaanim na taong sunod na hindi lumampas sa inflation target ng pamahalaan mula noong taong 2009.
Noong ika-apat na kwarter ng 2014, bumaba ang inflation sa 3.6% mula sa 4.7% dahil sa mas mababang food at non-food inflation. Bumaba ang food inflation dahilan sa sapat na dami o bilang ng mga karaniwang kailangan ng mga mamamayan. Bumaba rin ang non-food inflation sa pagbaba ng halaga ng kruyente at petrolyo.
Hindi gasinong naging magalaw ang Real Gross Domestic Product ng bansa at natamo ang 5.3% sa ikatlong kwarter ng 2014 subalit nanatiling ayon sa average growth rate mula sa unang kwarter noong 1999 hanggang third quarter ng 2014. Naganap ang mas mababang GDP kaysa sa inaasahan dahil sa pagbaba ng agricultural sector at sa paggasta ng pamahalaan.
Naniniwala ang Bangko Sentral ng Pilipinas sa ilalim ni Governor Amando Tetangco, Jr. na kinakikitaan na ng pagbawi ang ekonomiya ng America sa pamamagitan ng matatag na domestic demand at bahagyang pagganda ng exports. Nakita rin ng Bangko Sentral ng Pilipinas na humigpit ang kalagayan ng ekonomiya ng Japan sapagkat nabawasan ang private spending.
Ang kaunlarang nakikita sa emerging markets tulad ng Tsina at India at nanatiling maayos bagama't may kabababaan. Mabuway pa rin ang kaunalaran sa mga bansang kanilang sa European Union.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |